راندين جي فيڊريشن جي، وفاقي ۽ صوبائي حڪومتن کي راندين جي سرگرمين کي بحال ڪرڻ جي اپيل

ملڪ جي گهڻين راندين جي فيڊريشن وفاقي ۽ صوبائي حڪومتن کي ملڪ ۾ راندين جي سرگرمين جي بحالي لاءِ اپيل ڪئي آهي ۽ وفاقي وزارت بين الصوبائي ڪوآرڊينيشن، پاڪستان اسپورٽس بورڊ جي عملدارن کي چيو آهي ته اهي جلد ئي انهي سلسلي ۾ هڪ جامع نقشو تيار ڪن. هن چيو ته راندين جي سرگرمي معطل ٿيڻ سان رانديگرن جي صلاحيتن ۽ فٽنيس تي اثر ٿي رهيو آهي. راندين جي شعبي کي سرڪاري سطح تي نظرانداز ڪيو ويو آهي. پاڪستان هاڪي فيڊريشن جي صدر خالد سجاد کوکر، پاڪستان ٽينس فيڊريشن جي اڳوڻي سيڪريٽري جنرل خالد رحماني، پاڪستان نيٽ بال فيڊريشن جي صدر مدثر آرائين، پاڪستان سافٽ بال فيڊريشن جي سيڪريٽري آصف عظيم، پاڪستان ٿرو بال فيڊريشن جي سيڪريٽري مقبول احمد، پاڪستان جمناسٽڪ فيڊريشن جي صدر احمد علي راجپوت کان علاوه ڪيترن ئي ٻين فيڊريشنز جي آفيسرن به حڪومت کان راندين جي سرگرمين جي بحالي لاءِ مطالبو ڪيو آهي.