لاهور ۾ داتا درٻار ٻاهران بم ڌماڪو

اڄ صبح جو لاهور ۾ داتا درٻار ٻاهران اليٽ پوليس جي گاڏي ويجهو ڌماڪو ٿيو آهي. ڌماڪي جي نتيجي ۾ 5 اهلڪارن سميت 8 ڄڻا شهيد.جڏهن ته 24 ڄڻا زخمي ٿي پيا آهن، جن کي ميو اسپتال منتقل ڪيو ويو آهي. ڌماڪي جي شدت تمام گهڻي ٻڌائي وڃي پئي جنهن جو آواز پري پري تائين ٻڌو ويو آهي. رينجرز ڌماڪي واري جاءِ جي سيڪيورٽي سنڀالي ورتي آهي. پنجاب پوليس آءِ جي مطابق ڌماڪي ۾ اليٽ فورس جي گاڏي کي نشانو بڻايو ويو. جڏهن ته ڌماڪو خودڪش هو، وزيراعظم عمران خان ڌماڪي جي مذمت ڪندي رپورٽ گهري ورتي آهي.