لاڪ ڊائون هٽائڻ ۾ تڪڙ ڪورونا کي دعوت هوندي: ڊبليو ايڇ او خبردار ڪري ڇڏيو
صحت واري عالمي اداري ڊبليو ايڇ او خبردار ڪيو آهي ته ڪوبه ملڪ لاڪ ڊائون هٽائڻ ۾ تڪڙ نه ڪري، جيڪڏهن ايئن ڪيو ويو ۽ ڪورنٽائن تڪڙو ختم ڪيو ويو ته ان سان معاشي اثرن کي منهن ڏيڻو پئجي سگهي ٿو ۽ ڪورونا وائرس هڪ دفعو ٻيهر ڪر کڻي سگهي ٿو. ڊبليو ايڇ او جي ڊائريڪٽر جنرل ٽيڊروس پنهنجي بيان ۾ چيو ته سڀ کان بهترين طريقو اهو آهي ته سمورا ملڪ وائرس تي حملو ڪري ان جو خاتمو آڻين. ٻئي طرف عالمي مالياتي اداري آءِ ايم ايف جي اختيارين چيو آهي ته ڪورونا وائرس سبب دنيا جون ڪمزور معيشيتون ۽ ملڪ بحران جي ور چڙهي سگهن ٿا. اهڙن خطرن هيٺ آيل ملڪن جي صحت وارن شعبن کي ترجيح ڏئي پنهنجي معيشت بچائڻي پوندي
