چين پاران چنڊ تي ڪپهه لڳائڻ جو ڪامياب تجربو

چين پاران پهريون دفعو چنڊ تي ڪپهه لڳائڻ جو ڪامياب تجربو ڪيو ويو آهي. ياد رهي ته ڪجهه عرصو اڳ چين جي سائنسدانن پاران چنڊ تي هڪ خصوصي ڪنٽينر موڪليو ويو هو جنهن ۾ هوا پاڻي مٽي ۽ ڪجهه ٻج موڪليا ويا هئا جنهن ۾ ڪپهه، پٽاٽو ۽ سرنهن جا ٻج موجود هئا. هن وقت ان ڪنٽينر مان ڪجهه تازيون تصويرون زمين تي آيون آهن جنهن ۾ ڏسي سگهجي ٿو ته ان ڪنٽينر اندر ٻج مان ٻوٽو پيدا ٿيو آهي. هن ڪنٽينر کي زمين تان سگنلز ذريعي ڪنٽرول ڪيو پيو وڃي ۽ ان ڪنٽينر اندر مقرر وقت تي ٻجن کي پاڻي ڏنو ويندو رهيو آهي جنهن بعد هاڻي هن ڪنٽينر ۾ ڪپهه جو ٻوٽو پيدا ٿيو آهي، جيڪو چنڊ جي سطح تي ٿيندڙ هڪ تاريخي تجربو آهي.