سپريم ڪورٽ اسڪول جي في ۾ 20 سيڪڙو گهٽتائي جو فيصلو ڪري ڇڏيو
سپريم ڪورٽ اسڪولن جي في ۾ 20 سيڪڙو گهٽتائي جو تحريري فيصلو ڏيئي ڇڏيو آهي. هي فيصلو انهن اسڪولن تي لاڳو ٿيندو جيڪي 5000 کان وڌيڪ في وٺي رهيا آهن. جڏهن ته 5 هزار کان گهٽ في وارا اسڪول هن فيصلي کان آجا هوندا. فيصلي ۾ اهو به چيو ويو آهي ته في ۾ گهٽتائي سان اسڪالرشپن ۽ اسڪول جي سهولتن تي ڪوبه فرق نه پوندو ۽ اسڪولن جي استادن جي پگهار ۾ ڪابه گهٽتائي نه ڪئي ويندي. عدالتي فيصلي ۾ اهو به لکيو ويو آهي ته ڪجهه پرائيويٽ اسڪول عدالتي حڪم جي باري ۾ والدين کي تضحيڪ آميز خط لکيا آهن جن اسڪولن اهڙا خط لکيا آهن انهن کي نوٽيس جاري ڪيون ٿا، اهي وضاحت ڪن ته انهن اهو ڇو ڪيو. ٻي صورت ۾ انهن خلاف توهين عدالت جي ڪارروائي هلائي ويندي.
