جيتري سي آءِ اي هن خطي ۾ سرگرم آهي اوتري موساد (اسرائيلي) ايجنسي به رڌل آهي، اهي ڏينهن رات ان ڪم ۾ رڌل آهن ته گهرو ويڙھ تيز ٿئي، لساني گروھ وڙهندا رهن، مذهبي گروھ اسلام جي نالي ماڻهن کي بي راھ ڪندا وتن ۽ بيروني ايجنسين جو ڪم هلندو رهي. گذريل هفتي انقلابي گارڊز چابهار بندرگاهه جي ٻاهرئين پاسي هڪ گودام تي ڇاپو هنيو، گودام موساد لاءِ ڪم ڪندڙ هڪ نيٽورڪ جو گهر هو، جنهن جون سرگرميون ايراني سائيبر يونٽ پاران ڏينهن جي مسلسل اليڪٽرانڪ نگراني کانپوءِ دريافت ڪيون ويون هيون. ڇاپي ۾ 141 ايجنٽن کي گرفتار ڪيو ويو، جن ۾ 121 هندستاني ۽ 20 اسرائيلي ايجنٽ شامل هئا. انهن کان ضبط ڪيل شين ۾ خفيه سيٽلائيٽ فون، هڪ صفحي جو لاگ بڪ ۽ هڪ هارڊ ڊرائيو شامل هيون، جيڪي سڄي ڪهاڻيءَ کي بلوچستان تائين پهچائين ٿيون، جتي اهي سرگرم عمل آهن ۽ پختگيءَ سان پنهنجو ڪم هلائين پيا. جاچ ٽيم کي هارڊ ڊرائيو تي پروجيڪٽ “گڊون ايشا” نالي هڪ شيءِ ملي، ان جي سلائيڊ نمبر 3 تي گوادر پورٽ، پنجگور ۽ مند ضلعي کي ڪيپشن ڪري BLA جي مٿان گول ڪيو ويو هو ته جيئن اهي ايجنسين جا ڪارندا اتي ڪم ڪري اچن. ان کانپوءِ واري سلائيڊ ۾ نوڊ ڪي 7 ڪراچي کي را جي ڊراپ باڪس طور ڏيکاريو ويو آهي، جتان اسمگل ٿيل فنڊ ۽ ڌماڪيدار مادو بلوچستان ۾ BYC ۽ BLA ڏانهن موڪليو ويو هو، هيءَ اها ڪڙي هئي جيڪا ايراني آپريشن کي سڌو سنئون فتنا الهندستان گروپن سان ڳنڍيندي هئي. ان کانپوءِ ايران فوري طور تي هي معلومات پاڪستاني ايجنسين سان شيئر ڪئي ۽ پاڪستان ۾ رات جي پيٽ ۾ اهي اهم ڪارروائيون ڪيون ويون. پنجگور ۾ بي ايل اي جو هڪ خفيا هٿيارن جي ڊپو پاڪستاني سي ٽي ڊي پاران سيل ڪيو ويو هو، جنهن سان گروپ جي مقامي ڪارروائين کي وڏو ڌڪ لڳو.
