هفتي ۾ هڪ کان ٽي بيضا کائڻ دل جي مرض جي خطرن کي گهٽ ڪري ٿو: تحقيق

هڪ نئين تحقيق مطابق هفتي ۾ هڪ کان ٽي بيضا کائڻ دل جي مرض ۾ مبتلا ٿيڻ جي خطرن کي 60 سيڪڙو گهٽ ڪري ٿو. دل جو مرض هر ان صورت کي چيو ويندو آهي جيڪو دل يا رت جي رڳن کي متاثر ڪري ٿو، جنهن ۾ فالج ۽ ڪورونري هارٽ ڊزيزز (رڳون آڪسيجن جي مناسب مقدار رکندڙ رت کي دل تائين نٿيون پهچائين) شامل آهن، پر صحت جي ٻين مسئلن وانگر دل جي مرضن جي خطرن کي پڻ صحتمند طرز زندگي سان گهٽ ڪري سگهجي ٿو. جرنل نيوٽريئنٽس ۾ شايع ٿيندڙ تحقيق ۾ هيءَ ڳالهه سامهون آئي آهي ته هفتي ۾ هڪ کان ٽي بيضا کائڻ سان دل جي مرضن کان بچي سگهجي ٿو.