ماهرن دل جي مرض جو هڪ نئون قسم دريافت ڪري ورتو
محققن مطابق هر ٽن مان هڪ فرد کي هن بيماريءَ کان خطرو آهي. ڪارڊيوويسڪيولر-ڪڊني-ميٽابولڪ سنڊروم (سي ڪي ايم) گڙدي جا مرض، ٽائپ 2 ذيابيطس ۽ ٿلهن ماڻهن جو دل جي بيمارين سان تعلق ڳولهي لڌو آهي. ٽيڪنيڪل لحاظ کان اها ڪا نئين بيماري ڪونهي، پر شين کي ڏسڻ جو هڪ نئون طريقو آهي ته ڪيئن موجود ڪيفيتون هڪ ٻئي کي متاثر ڪن ٿيون. آمريڪن هارٽ ايسوسئيشن مطابق هر ٽن آمريڪي ماڻهن مان هڪ آمريڪي ۾ ٽي يا ان کان وڌيڪ خطرن جا عوامل موجود هوندا آهن، جيڪي ان جي ماڻهو جي ان ڪيفيت ۾ مبتلا ٿيڻ جي خطرن کي وڌائي ڇڏين ٿا. سي ڪي ايم متعلق ٻڌائڻ جو مقصد دل جي مرض سان مرڻ جي خطري سان لاڳاپيل ماڻهن ۾ بيماري جي جلد تشخيص ۽ علاج آهي.
