وفاق, سنڌ جا 505 ارب رپيا جاري ڪري ڇڏيا: مراد علي شاهه
سنڌ جي وڏي وزير سيد مراد علي شاهه چيو آهي ته وفاقي حڪومت سنڌ حڪومت جا 665 ارب رپين مان 505 ارب رپيا جاري ڪري ڇڏيا آهن. اميد آهي ته باقي رقم به جلد جاري ڪئي ويندي. سنڌ جي وڏي وزير ان ڳالهه کي ورجايو ته پي ٽي آءِ حڪومت ڌانڌلي ذريعي بجيٽ کي پاس ڪرايو آهي، جنهن عمل ۾ اسيمبلي اسپيڪر جو خاص ڪردار رهيو آهي. هن وڌيڪ چيو ته سينيٽ جي چيئرمين جي سيٽ خالي ٿيڻ جي صورت ۾ آصف علي زرداري ان سيٽ جي چونڊ واري مقابلي ۾ حصو وٺندو. بجيٽ بابت ڳالهائيندي هن چيو ته مخالف ڌر کي بجيٽ تي ڳالهائڻ جو مناسب موقعو نه ڏنو ويو. جڏهن ته پيپلز پارٽي مسلسل ٽيڪسن خلاف مقابلي ۾ حصو وٺندي هئي ۽ ان جو موقف رهيو ته انهن نون ٽيڪسن سان غربت ۾ اضافو ٿيندو.
3
