سوشل ميڊيا جي نگراني لاءِ پاڪستان ۾ ويب مانيٽرنگ سسٽم نصب

پاڪستان ٽيلي ڪميونيڪيشن اٿارٽيءَ ملڪ ۾ اليڪٽرانڪ ڪرائيم کي روڪڻ لاءِ ويب مانيٽرنگ سسٽم لڳائي ڇڏيو. هن سسٽم تحت انٽرنيٽ تي اپلوڊ ڪيو ويندڙ غير مهذب ۽ غير اخلاقي ۽ رياست خلاف مواد کي مانيٽر ڪيو ويندو. هن نئين سسٽم لاءِ پاڪستان آمريڪا جي سينڊ وائن ڪمپنيءَ سان گذريل سال معاهدو ڪيو هو. ٻئي طرف مخالف ڌر جي پارٽين پاران آمريڪا جي ڪمپني سينڊ وائن خلاف اعتراض واري ڇڏيا آهن. واضح رهي ته مخالف ڌر پاران چيو ويو آهي ته آمريڪا جي ڪمپني سينڊ وائن کي مڪمل طور ماڻهن جي ڊجيٽل ڊيٽا تائين رسائي ڏيڻ خطرناڪ ثابت ٿي سگهي ٿو، جنهن کان علاوه هن ڪمپنيءَ جا اسرائيل سان به سڌي ريت واسطا هجڻ جو انڪشاف ڪيو ويو آهي.