پي ٽي آءِ جي سر ڦرين ڪارڪنن کي فوجي تنصيبات ۽ شهيد فوجين جي يادگارن تي جنهن ۾ “جي ايڇ ڪيو، پي اي ايف بيس، بنون ڪينٽ، چڪدرا قلعو، جناح هائوس، ملتان ڪينٽ چيڪ پوسٽ، پنجاب رجمينٽل سينٽر، پي اي ايف بيس ميانوالي ۽ رجمينٽل سينٽر مردان وغيره شامل آهن. پي ٽي آءِ جي ڪارڪنن انهن سڀني فوجي رهائشگاهن، آفيسن، شهيدن جي يادگارن کي به نه ڇڏيو ۽ ثابت ڪيو ته اهي پي ٽي آءِ جي چئي ۾ آهن ۽ ڪجھ به ڪري سگهن ٿا. فوجي عدالت پاڪستان تحريڪ انصاف جي 25 ڪارڪنن کي 9 مئي جي فسادن ۾ ملوث هجڻ تي 2 کان 10 سال قيد جي سزا ٻڌائي آهي. سپريم ڪورٽ جي فيصلي جي روشني ۾ فيلڊ جنرل ڪورٽ مارشل پهرين مرحلي ۾ سمورن ثبوتن کي جاچڻ، جوابدارن کي سمورن قانوني حقن جي فراهمي ۽ مناسب عمل مڪمل ڪرڻ کانپوءِ 25 جوابدارن کي سزائون ڏنيون آهن. پي ٽي آءِ جي تاريخ هونئن به ڀري پئي آهي جنهن ۾ ان ڳالھ کان انڪار ناهي ته هي ڪو پرامن احتجاج ڪندا آهن يا ڪري به سگهن ٿا، ماضي ۾ عمران خان پاڻ جڏهن اڃان سرڪار ۾ اچڻ جا خواب پئي ڏٺا هئا تڏهن سول نافرماني ۽ فوجي قيادت تي تنقيد ۽ سياستدانن تي تنبيھ ۽ بنا ڪنهن جواز جي ڇنڊ پٽيندو رهندو هو، پر جڏهن اهي شيون پاڻ ڪري ويٺو ته هاڻي علي امين گنڊا پور جهڙن ماڻهن کي هشي ڏئي ٿو ڇڏي، جيڪي اهو چوڻ ۾ عار محسوس نٿا ڪن ته عمران هاڻي هٿيار کڻڻ جي رڳو اجازت ڏئي، ان ڪري ته پي ٽي آءِ جي سياسي فارمولي ۾ اها شيءِ سرفهرست آهي ته ڳالھ ڳالھ سان نبيري نه ٿي سگهجي، پر هٿيارن ۽ بندوقن سان ڳالھ نبيري سگهجي ٿي، پر سوال اهو آهي ته اهي هٿيار ڪنهن جي خلاف اڀا ڪندا، ڪير ڏوهي آهي؟ اها ڳالھ به سمجهائين ته القادر يونيورسٽي جي 10 ملين پائونڊن جي ڦٻائڻ ۾ ڪنهن جو سڌو سنئون ڏوھ آهي، فارين فنڊنگ ۾ خان کي ڪنهن مٿي تي چاڙهيو جو هن جي سابقا وني پنهنجو پاڻ يهودي ۽ اسرائيلي تنظيمن کان ان ڳالھ تي پئسا پٽڻ ۽ وٺڻ شروع ڪيا ته پاڪستان کي نئون ڪري ٺاهينداسين، ان ڪري چندو ڏيو، هن کي ڪنهن چيو ته تون توشا خانا مان تحفن جا سامان پٽي گهر کڻي وڃ ۽ 10 ملين شين جا ملھ گهٽ ڪري، انهن کي لکين رپين ۾ ڦٻائي هن کي ڪنهن ڏانئي ڏني ته فرح گوگي کي بشريٰ بيبي جي فرمائش تي دادلو ڪر، هن کي ڪنهن چيو هو ته پنهنجي ڪوڙي ٽيم ٺاهي جهانگير خان ترين کي ٽيم ۾ شامل ڪر ۽ ان کي ان ڳالھ جي به اجازت ڏي ته هو وزيرن جا جهاز ڀري تو وٽ اسلام آباد لهي ۽ تون وڻ وڻ جي ڪاٺي ملائي عارضي حڪومت اڏي ويھ جيڪا 40 مهينا به نه هلي، هن کي ڪنهن استادي ڏني ته تون آمريڪا مخالف نعرا هڻي پاڻ مڃائي ۽ پوءِ وري اسلام آباد ۾ ويهي وري آمريڪا ۽ جوبائيڊن جي ٽيم کي چئو ته هو تنهنجي حصي جي جنگ وڙهن، هن کي اها سياست ڪنهن سيکاري ته سائيفر جا الزام سي آءِ جي مٿان هڻي ۽ وري آمريڪا ڏانهن منهن ڪري چئو ته يا ٽرمپ تيرا آسرا، پر هي پاڻ سول نافرماني ڪري ڄاڻي، هي سمجهي پيو ته ڪنٽينر تي بيهي بجلي ۽ گيس جا بل ڦاڙڻ آسان آهن. هن کي اها ڳالھ سمجھ ۾ آئي ته اسلام آباد ۾ ڪي پي جي ڪارڪنن ۽ منظور پشين جا پوئلڳ وٺي رياست سان مهاڏو اٽڪائيندو ته رياست ڊڄي ويندي ۽ هن کي سڀ معاف ڪندي.
