اسلام آباد هاءِ ڪورٽ چيئرمين پي ٽي آئي جي اٽڪ جيل کان اڊيالا جيل منتقلي جي درخواست ٻڌڻي لاءِ مقرر ڪري ڇڏي.
چيئرمين پي ٽي آئي جي درخواست 25 سيپٽمبر تي اسلام آباد هاءِ ڪورٽ ۾ ٻڌڻي لاءِ پيش ٿيندي. اسلام آباد هاءِ ڪورٽ جي چيف جسٽس عامر فاروق چيئرمين پي ٽي آئي جي درخواست تي ٻڌڻي ڪندو. چيئرمين پي ٽي آئي جيل ۾ سهولتن جي فراهمي ۽ اڊيالا جيل منتقلي جي درخواست ڪئي آهي. عدالت ڪجهه ڏينهن پهرين درخواست تي دليل مڪمل ٿيڻ کانپوءِ فيصلو محفوظ ڪيو هو. ڪجهه قانوني نقطن جي وڌيڪ وضاحت لاءِ عدالت ڪيس ٻيهر ٻڌڻيءَ لاءِ مقرر ڪيو آهي.
