هندستان ٽائمز جي آرمي چيف بابت خبر غلط آهي: آءِ ايس پي آر
آءِ ايس پي آر جي ترجمان جنرل آصف غفور باجوا چيو آهي ته هندستان ٽائمز اخبار ۾ پاڪستان آرمي چيف بابت ڪوڙي خبر آئي آهي ته پاڪستاني آرمي چيف هندستان جي آرمي چيف سان رابطو ڪيو آهي. پاڪستان جي آرمي چيف قمر جاويد باجوا ڪڏهن به هندستان جي آرمي چيف سان ڪابه ڳالهه نه ڪئي آهي ۽ نه ئي ٻنهي جنرلن ڪانگو اندر گڏيل قومن جي امن مشن ۾ گڏ نوڪري ڪئي آهي. هن چيو ته هندستان پاران مختلف وقتن تي پروپيگنڊا ٿيندي رهندي آهي. هي به هڪ ڪوڙي پروپيگنڊا آهي، ٻنهي ملڪن وچ ۾ ڳالهه ٻولهه جو اختيار صرف حڪومتن کي حاصل آهي.
