ڪراچي ۾ گرمي جي لهر شروع ٿي وئي، طوفان جو خطرو
ڪراچي اندر گرمي جي لهر جا اثر محسوس ٿيڻ لڳا آهن. جڏهن ته سمنڊ ۾ طوفان جي خطري جو امڪان ظاهر ڪيو ويو آهي. فشرمين ڪوآپريٽو سوسائٽي ڪراچي اندر سيڪيورٽي الرٽ جاري ڪيا آهن. جنهن مطابق سامونڊي طوفان جو خطرو آهي. جنهن بعد ڪراچي فش هاربر ۽ ابراهيم حيدري لڳ لانچن جي ڪليئرنس ۽ روانگي روڪي وئي آهي. ٻئي طرف موسميات کاتي جو چوڻ آهي ته ڪراچي اندر سامونڊي هوائون بند ٿي ويون آهن، جنهن بعد شهر ۾ گرمي جي لهر جا اثر محسوس ٿيڻ لڳا آهن. ساڳي وقت شهر اندر گرم ۽ خشڪ هوائن جي ڪري گرمي پد 41 ڊگري سينٽي گريڊ تائين پهچي ويو آهي.
