خانيوال ۾ بس ۽ ٽريلر جو پاڻ ۾ ٽڪر 11 ڄڻا اجل جو شڪار
خانيوال ويجهو ايم 4 موٽروي تي ڌنڌ سبب، بس هڪ ٽريلر سان ٽڪرائجي وئي، جنهن سبب 11 ڄڻا اجل جو شڪار ٿي ويا. جڏهن ته 28 زخمي ٿي پيا، زخمين کي نشتر اسپتال ملتان ۾ طبي امداد لاءِ پهچايو ويو آهي. ريسڪو ٽيم مطابق حادثي جو شڪار ٿيڻ واري مسافر بس لاهور کان راجن پور وڃي رهي هئي ته ڌنڌ سبب خانيوال ويجهو ايم 4 موٽر وي تي اڳيان ويندڙ ٽريلر سان ٽڪرائجي وئي. حادثي ۾ 10 عورتن سبب 9 ڄڻا فوت جڏهن ته 30 زخمي ٿي پيا، زخمين کي نشتر اسپتال آندو ويو جتي 2 زخمي وڌيڪ فوت ٿي ويا ۽ فوت ٿيلن جو تعداد 11 ٿي ويو آهي. جڏهن ته 28 زخمين کي اسپتال ۾ طبي امداد لاءِ ڏني پئي وڃي.
