خبرن موجب جسٽس اطهر من الله جي سربراهي ۾ جسٽس عامر فاروق ۽ جسٽس محسن اختر ڪياني تي مشتمل ٽن رڪني بينچ فيصلو ٻڌائيندي وزير خارجا خواجا آصف کي تاحيات نا اهل قرار ڏئي ڇڏيو. عدالت جي چوڻ آهي ته خواجا آصف کي آرٽيڪل 62 ون ايف تحت نا اهل ڪيو ويو آهي. فيصلي ۾ چيو وي آهي ته خواجا آصف اين اي 110 کان قومي اسيمبلي مان منتخب ٿيڻ  جو اهل نه هيو، هن پنهنجي پگهار ۽ پرڏيه ۾ پنهنجي نوڪري جي خبر لڪائي صادر ۽  امين نه هئڻ جو ثبوت ڏنو آهي. ان ڪري هي هاڻي سياست ۾ رهڻ جي  اهل نه آهي. واضح رهي ته پي ٽي آءِ جي رهنما پاران خواجا آصف خلاف درخواست ڏني وئي هئي ، جنهن ۾ هن چيو هيو ته خواجا آصف کي نا اهل قرار ڏنو وڃي. جنهن جي ٻڌڻين بعد 10 اپريل تي فيصلو ڪيو ويو هيو ۽ اڄ اهو ٻڌايو ويو آهي.