پاڪستان ۽ ڀارت وچ ۾ ڪشيدگي جو خاتمو چاهيون ٿا، آمريڪي صدر
وائيٽ هائوس ۾ صحافين سان ڳالهائيندي آمريڪا جي صدر ڊونلڊ ٽرمپ چيو آهي ته پاڪستان ۽ ڀارت وچ۾ تمام خراب صورتحال پيدا ٿي چڪي آهي. اسان کي ان صورتحال کي روڪڻو پوندو. تمام گهڻا ماڻهو مري چڪا آهن۽ وڌيڪ نقصان ٿيڻ کان اڳ ٻنهي ملڪن وچ ۾ ڪشيدگي کي ختم ڪرائڻو پوندو. ياد رهي ته گذريل هفتي ڪشمير ۾ ڀارتي فوج جي گاڏي تي حملي ۾ 44 فوجين جي فوت ٿيڻ بعد ڀارت سرڪار پاڪستان مٿان الزام مڙهيو ۽ جنگ جون ڌمڪين ڏنيون جنهن بعد پاڪستان جي وزير اعظم عمران خان چيو هيو ته ڀارت جي ڪنهن به حملي جي صورت ۾ ڀرپور جواب ڏنو ويندو. ڪاله پاڪستان جي آرمي چيف به ڀارت کي جنگ کان باز رهڻ جو چتاءُ ڏئي ڇڏيو آهي. ٻنهي ملڪن وچ ۾ ٿيندڙ ان ڪشيدگي کي ختم ڪرڻ لاءِ آمريڪي صدر ٻنهي ملڪن سان رابطا شروع ڪري ڏنا آهن.
