پاڪستان اسٽيل ملز ملازمن کي رهتون نه ڏيڻ تي ٽي وفاقي سيڪريٽري طلب

سنڌ هاءِ ڪورٽ پاڪستان اسٽيل ملز جي ملازمن کي رٽائرمينٽ جون رهتون پينشن ادا نه ڪرڻ تي ٽن وفاقي سيڪريٽرين ۽ اسٽيل مل انتظاميه کي 4 مارچ تي طلب ڪري ورتو آهي. اسٽيل ملز انتظاميه جي غير تسلي بخش جواب تي هاءِ ڪورٽ ناڻي واري وزارت، اسٽيبلشمينٽ ڊويزن ۽ صنعتي پيداوار جي سيڪريٽرين کي طلب ڪيو آهي. اسٽيل ملز مان رٽائر ٿيندڙ ملازمن جي درخواستن تي ٻڌڻي ٿي. ان دوران اسٽيل ملز جي سربراهه ۽ وفاقي سرڪار پاران رٽائر ٿيل ملازمن کي رهتن جي ادائگي جو شيڊيول پيش نه ڪيو ويو، جنهن تي عدالت سخت ڪاوڙ جو اظهار ڪندي ريمارڪس ڏنا ته هڪ طرف رٽائرمينٽ کانپوءِ ملازمن جون پگهارون بند ٿي ويون آهن ته ٻئي طرف کين رٽائرمينٽ جون رهتون نه پيون ڏنيون وڃن