اسلام آباد هاءِ ڪورٽ اسڪولن ۾ ٻارن مٿان تشدد تي پابندي لڳائي ڇڏي

اسلام آباد هاءِ ڪورٽ جي چيف جسٽس اطهر من الله جي عدالت وفاقي گادي واري شهر جي ماتحت تعليمي ادارن ۾ ٻارن تي تشدد تي پابندي هڻندي ڌرين کان جواب لاءِ نوٽيس جاري ڪندي تشدد جي قانوني گنجائش کي ٻئي حڪم تائين معطل ڪري ڇڏيو آهي. درخواستگذار شهزاد راءِ وڪيل سان گڏ پيش ٿيو ۽ چيو ته پينل ڪوڊ جي سيڪشن 89 ۾ ٻارن تي تشدد جي گنجائش بنيادي حقن جي ڀڃڪڙي آهي. وڪيل چيو ته ٻارن تي تشدد جو خاتمو سڀني جي مفادن ۾ آهي عدالت ريمارڪس ڏنا ته هن معاملي تي اسيمبلي ڪو ٺهراءُ به منظور نه ڪيو هو. عدالت گهرو وزارت کي ٻارن جي حقن کي يقيني بنائڻ لاءِ قدم کڻڻ سميت 5 مارچ تائين جواب گهري ورتو آهي