ڪي پي ڪي  ۽ بلوچستان ۾ پوليو جا 4 نوان ڪيس ظاهر

سڄي دنيا ۾ صرف ڪجهه ئي ملڪ بچيا آهن جن ۾ پوليو جو مرض اڃان به باقي آهي. انهن ملڪن مان پاڪستان به هڪ آهي. ڪالهه ڪي پي ڪي ۽ بلوچستان مان 4 نوان پوليو جا ڪيس ظاهر ٿيا آهن. جنهن کان پوءِ، هلندڙ سال پاڪستان ۾ پوليو جي ظاهر ٿيل ڪيسن جي تعداد 41 ٿي وئي آهي. ڪي پي ڪي جي بنون واري علائقي ۾ ٻن ٻارن ۾ پوليو ظاهر ٿيو آهي. جڏهن ته بلوچستان جي علائقن جعفرآباد ۽ قلعه سيف الله مان به ٻه ڪيس ظاهر ٿيا آهن. ياد رهي ته ڪي پي ڪي جي بنون واري علائقي ۾ سڀ کان وڌيڪ ڪيس ظاهر ٿيا آهن جتي هن سال ڪل 16 ٻارن ۾ پوليو جو مرض ظاهر ٿيو آهي.هن وقت دنيا ۾ پوليو جو خاتمو ٿي چڪو آهي پر اڃان به ڪجهه ملڪ آهن جن ۾ پوليو جو مرض موجود آهي. جن مان پاڪستان ۽ افغانستان شامل آهن. پاڪستان ۾ هن سال 41 ڪيس ظاهر ٿيا جن مان 33 ڪي پي ڪي مان آهن. جڏهن ته گذريل سال اهڙن ڪيسن جو تعداد 12 ۽ 2017 ۾ 8 هئو. پوليو هڪ خطرناڪ مرض آهي جيڪو پوليو وائرس جي ذريعي پکيڙجي ٿو. جنهن جا متاثر گهڻو ڪري 5 سالن کان گهٽ عمر جا ٻار هوندا آهن. هي وائرس،  نروس سسٽم تي حملو ڪندو آهي، جنهن سان فالج ٿيڻ سميت موت به واقع ٿي سگهي ٿو.

Leave a Reply

Your email address will not be published. Required fields are marked *