نائن اليون جي ورسي جي موقعي تي ڪابل ۾ آمريڪا جي سفارت خاني تي راڪٽ حملو

آمريڪا ۾ نائن اليون جي حملي کي 18 سال مڪمل ٿيڻ جي موقعي تي افغانستان ۾ موجود سفارت خاني تي راڪٽ سان حملو ڪيو ويو آهي. جڏهن ته حملي کان هڪ ڪلاڪ بعد عملي پاران ٻڌايو ويو ته حملي ۾ ڪو به جاني ۽ مالي نقصان نه ٿيو آهي. جڏهن ته سفارت خاني جي ايريا کي به ڪليئر قرار ڏنو ويو آهي. ٻئي طرف سفارت خاني جي ويجهو نيٽو جي مشن پاران به چيو ويو آهي ته حملي ۾ ڪو به اهلڪار زخمي نه ٿيو آهي. واضح رهي ته آمريڪا ۽ افغانستان طالبان وچ ۾ ڪجه عرصي کان هلندڙ امن ڳالهين جي خاتمي بعد ٿيل هي پهريون حملو آهي. هن کان پهريان ڳالهين دوران ئي طالبان ڪابل ۾ ٻه ڪار ڌماڪا ڪيا هيا. جنهن جي نتيجي ۾ نيٽو جا 2 اهلڪار ۽ ڪجه شهري مارجي ويا هيا.

Leave a Reply

Your email address will not be published. Required fields are marked *