پاڪستان ۾ نئين حڪومت سان ملي ڪم ڪرڻ لاءِ تيار آهيون: آمريڪا
آمريڪا جي پرڏيهي وزير جو چوڻ آهي ته پاڪستان جي نئين حڪومت سان گڏجي ڪم ڪرڻ لاءِ تيار آهيون. آمريڪي پرڏيهي اداري جي ترجمان هيڌر نوئرٽ پاران عمران خان کي نئين حڪومت ٺاهڻ تي ٽوئيٽ ذريعي مبارڪباد ڏيڻ سان گڏ ان خواهش جو به اظهار ڪيو ته آمريڪا پاڪستان سان گڏجي علائقي ۾ امن ۽ خوشحالي لاءِ ڪم ڪرڻ لاءِ تيار آهي. ٻئي طرف ايران جي صدر پاران عمران خان کي مبارڪ ڏيندي چيو آهي ته عمران خان جي چونڊ بهادر ۽ عزتدار پاڪستانين جي خواهش جي علامت آهي.
