پروفيسر حسن عسڪري پنجاب جو نگران وزير اعليٰ مقرر

اليڪشن ڪميشن پروفيسر حسن عسڪري کي پنجاب جو نگران وزير اعليٰ مقرر ڪري ڇڏيو. اليڪشن ڪميشن جي ايڊيشنل سيڪريٽري ميڊيا سان ڳالهائيندي چيو ته پروفيسر حسن عسڪري ملڪ جي نامياري علمي شخصيت آهي ۽ هو ملڪي ۽ غير ملڪي درسگاهن ۾ تعليم سان وابستا رهيو آهي. ان کان علاوه هو مختلف اخبارن ۽ ٽي وي چئنلز تي اهم موضوعن تي مبصر جو ڪردار ادا ڪندو رهندو آهي. ياد رهي ته نگران وزير اعليٰ جي نالي لاءِ پنجاب جي صوبائي حڪومت ۽ اپوزيشن پاران نالا ڏنا ويا هئا پر انهن نالن تي اتفاق نه ٿي سگهيو هو، جنهن ڪارڻ اهو فيصلو اليڪشن ڪميشن کي ڪرڻو پيو. ياد رهي ته هن کان پهرين نون ليگ طرفان ايڊمرل رٽائرڊ محمد ذڪاءُ الله ۽ جسٽس رٽائرڊ سائر علي جا نالا ۽ پي ٽي آءِ طرفان پروفيسر حسن عسڪري ۽ اياز امير جا نالا ڏنا ويا هئا، جنهن بعد ٻنهي پارٽين پاران هڪٻئي جي نالن تي اعتراض ڪرڻ بعد هي معاملو اليڪشن ڪميشن آڏو رکيو ويو.

0 0 votes
Article Rating
Subscribe
Notify of
guest
0 Comments
Inline Feedbacks
View all comments