سيڪريٽري خارجه سائرس قاضي جو چوڻ آهي ته ڀارت جي ڪينيڊا ۾ دهشتگردي پاڪستان لاءِ حيراني جي ڳالهه ناهي
اقوام متحده جي پاڪستان مشن ۾ پريس بريفنگ دوران سيڪريٽري خارجه سائرس قاضي چيو ته ڪينيڊا جي وزيراعظم جيڪو الزام هنيو آهي، ان ۾ ڪجهه ته حقيقت هوندي، اسان ان الزام تي حيران نه آهيون، سندس چوڻ هو ته ڀارت مقبوضه ڪشمير ۾ رياستي دهشتگردي ڪري رهيو آهي، پاڪستان کي غير مستحڪم ڪرڻ جي ڪارروائين ۾ ملوث آهي. سائرس قاضي ٻڌايو ته اسان ڀارت جو حاضر سروس نيول آفيسر پڪڙيو هو. دنيا ۾ ڀارت کي جيڪڏهن ڪو سمجهي سگهي ٿو ته اهي اسان آهيون. هن چيو ته وزيراعظم جمعي جي ڏينهن اقوام متحده جي جنرل اسيمبلي سان خطاب ۾ ڪشمير ۽ افغانستان سميت سڀني اهم مسئلن تي پاڪستان جو موقف پيش ڪندو.
