گورنر بلوچستان تي حملي جو منصوبو ناڪام
وزير داخلا بلوچستان سرفراز بگٽي چيو آهي ته صوبي جي گورنر محمد خان اچڪزئي تي دهشتگردي واري حملي جي منصوبي کي ناڪام بڻايو ويو آهي. جنهن ۾ ٻه دهشتگرد به گرفتار ڪيا ويا آهن جن وٽان خودڪش جيڪيٽون ۽ اسلحو برآمد ڪيو ويو آهي. سرفراز بگٽي چيو ته اعليٰ عهديدارن ۽ عوام جي سيڪيورٽي لاءِ خاص قدم ورتا پيا وڃن. خاص طور تي ڊي پي او ۽ ان کان وڏي عهدن جي آفيسرن کي بليٽ پروف گاڏيون ڏنيون پيون وڃن. ان موقعي تي پوليس پاران ٻڌايو ويو ته ڪوئيٽا ۾ گرجا گهرن جي سيڪيورٽي کي وڌايو پيو وڃي جنهن ڏس ۾ 39 گرجا گهرن ۾ پهرين جنوري تائين چار تقريبون ٿينديون جنهن جي سيڪيورٽي لاءِ خاص اپاءُ ورتا ويندا.
