16 مئي تاريخ جو ڪارو ڏينهن

اڄ جي ڏينهن 16 مئي 1948 تي آمريڪا اسرائيل جي ناپاڪ وجود کي تسليم ڪري دنيا جي مسلمانن جي پيٽ ۾ خنجر هنيو هو، اسرائيل هڪ ڪينسر آهي، جيڪو سڄي خطي کي تڪليف ڏيئي رهيو آهي. اڄوڪي ڏينهن تي پوري دنيا ۾ يوم مرده باد آمريڪا ۽ اسرائيل ملهايو پيو وڃي ۽ مختلف تنظيمن پاران احتجاجي مظاهرا ڪري آمريڪا اسرائيل ۽ سندن حامين جو اصل چهرو دنيا کي ڏيکاريو پيو وڃي. آمريڪا ۽ اسرائيل پوري دنيا ۾ دهشتگرديءَ هي علامت بڻيل آهن. ڪشمير ۽ فلسطين ۾ آمريڪي ۽ اسرائيلي ظلم ۽ بربريت ناقابل قبول آهي، آمريڪا جي عالمي استعمار فلسطين جي هزارين سالن جي تاريخ کي ختم ڪري اسرائيل کي جنم ڏنو، جنهن هن وقت تائين دهشتگردي جو بازار گرم ڪري رکيو آهي. انسانيت تي ظلم ۽ ڏاڍ ڏينهون ڏينهن وڌندو رهيو آهي، جنهن جي نتيجي ۾ هزارين ڪشميري ۽ فلسطيني شهيد ٿي چڪا آهن. دنيا جو ڪوبه باعزت ۽ باغيرت شخص اسرائيل جي وجود کي قبول نٿو ڪري سگهي، اڄ اسلامي رياستن سميت سڄي دنيا ۾ دهشتگردي جو سرچشمو آمريڪا ۽ اسرائيل آهن، پر افسوس عرب ملڪ آمريڪا کي پنهنجو خدا سمجهي پوڄي رهيا آهن. آمريڪي صدر ڊونلڊ ٽرمپ اسرائيل جي ناجائز وجود کي تسليم ڪرڻ لاءِ عرب رياستن جو دورو ڪري رهيو آهي. سعودي عرب پاران اربين ڊالرن جي هٿيارن جا معاهدا ڪيا ويا. عرب رياست قطر پاران فلسطينن جو قتل عام ڪرائيندڙ ٽرمپ کي 40 ڪروڙ ڊالر جو جهاز گفٽ ڪيو ويو آهي.

جڏھن ته ٻئي طرف تمام عرب رياستون مظلوم فلسطيني عوام کي پاڻي جي هڪ بوتل به ڏيڻ لاءِ تيار ڪونه آهن. مسلم رياستن جي غفلت تي  افسوس ئي ڪري سگهجي ٿو. بيت المقدس جي حفاظت هر مسلمان تي فرض هئي، پر عرب رياست مان هڪ مخصوص گروهه ڪڏهن به بيت المقدس لاءِ آواز نه اٿاريو، هاڻي هو سمورن يهودين سان رابطا قائم ڪري رهيا آهن. جولاني، آمريڪا ۽ اسرائيل جي ايجنڊا واضح ٿي ويئي. آمريڪي پرڏيهي وزارت مئي 2013ع ۾ جولاني کي عالمي دهشتگرد قرار ڏنو ۽ چئن سالن کانپوءِ کيس گرفتار ڪرائڻ واري معلومات ڏيڻ تي ڏهه ملين آمريڪي ڊالر انعام جو اعلان ڪيو. 20 ڊسمبر 2024ع تي آمريڪا احمد الشرع جي گرفتاري تي انعام مقرر ڪيو هو. هاڻي اهو انعام ختم ڪيو ويو آهي ۽  صدر ٽرمپ سعودي عرب ۾ جولاني سان ملاقات ڪري سڀ معاملا حل ڪري ڇڏيا يعني ڪالهه جو دهشتگرد، اڄ جو هيرو بڻجي ويو. مطلب ته گڏيل قومن کي استعماري قوتن جي ڍال لڳي رهي آهي، سعودي عرب جي ولي عهد محمد بن سلمان ته اهو اعلان به ڪيو آهي ته سعودي عرب آمريڪا ۾ 600 ارب ڊالرن جي سيڙپڪاري ڪندو، جيڪا آمريڪي معيشت لاءِ وڏي خوشخبري آهي، پر انهن پرڏيهي تحفن ۽ سيڙپڪاري جي اعلانن جي وچ ۾ هڪ دردناڪ حقيقت اڃان به موجود آهي ته غزه ۾ لکين معصوم مسلمان ٻار بک سبب موت جي ڪناري تي آهن. ڪيترن ئي علائقن ۾ کين پيئڻ جو صاف پاڻي، خوراڪ، دوا ۽ تحفظ به ميسر ناهي. روزانو جي بنياد تي انسانيت، خاص طور تي ٻار، شديد اذيت ۾ مبتلا آهن. هي صورتحال اسلامي ملڪن جي قيادتن جي ترجيحن تي هڪ وڏو سوال اٿاري ٿي. ڇا هڪ اڳوڻي صدر کي لکين ڊالر جو جهاز ڏيڻ يا آمريڪا جي معيشت ۾ اربين ڊالر لڳائڻ کان اڳ، انهن کي غزه جي معصوم ٻارن لاءِ ڪجهه ڪرڻ نه گهرجي؟ تجزيا نگارن موجب اها حقيقت آهي ته اسلامي دنيا جي واڳ ڌڻين وٽ دولت جي کوٽ ناهي، پر سوال اهو آهي ته اها دولت ڪنهن لاءِ ۽ ڪڏهن استعمال ٿيندي؟ غزه ۽ ڪشمير جا ٻار، جيڪي هر ڏينهن ظلم، بک ۽ جنگ جو شڪار آهن، ڇا اهي اسلامي همدردي جا مستحق ناهن؟ ٽرمپ جو موجوده سعودي عرب دورو رڳو شاهي استقبال نه، پر مالي بحران مان نڪرڻ جي ڪوشش آهي، سعودي پهچندي ئي ٽرمپ کي ليوينڊر قالين، شاهي سلامي ۽ F-15 جهازن جي حفاظت هيٺ رياض آندو ويو. عام طور تي آمريڪا جا صدر پهريون دورو يورپي ملڪن ڏانهن ڪندا آهن، پر ٽرمپ ٻيهر پنهنجي سياسي ۽ مالي مفادن لاءِ عرب ملڪن جو رخ اختيار ڪيو آهي. ظاهري طور تي هي دورو اقتصادي لاڳاپا مضبوط ڪرڻ ۽ سيڪيورٽي معاملن تي ڳالهه ٻولهه لاءِ ڄاڻايو پيو وڃي، پر حقيقت اها آهي ته آمريڪا هن وقت تاريخ جي سڀ کان وڏي مالي بحران مان گذري رهيو آهي. آمريڪا جو قومي قرض 35 ٽريلين ڊالر کان وڌي چڪو آهي ۽ رڳو وياج جي ادائگي لاءِ 2025 ۾ 1.1 ٽريلين ڊالر جي رقم ادا ڪرڻي پوندي. اهڙي صورتحال ۾ آمريڪا عرب ملڪن کان اربين ڊالرن جي سيڙپڪاري حاصل ڪرڻ جي ڪوشش ڪري رهيو آهي ته جيئن پنهنجو اقتصادي نظام سنڀالي سگهي. ٽرمپ سعودي عرب کان 600 ارب ڊالرن جي سيڙپڪاري جو واعدو ورتو آهي، جڏهن ته UAE به 1.4 ٽريلين ڊالرن جي سيڙپڪاري جو راضپو ڏيکاريو آهي. اهي پئسا آمريڪا جي  AI، سيڪيورٽي، نيو ڪليئر ٽيڪنالاجي ۽ سيمي ڪنڊڪٽر صنعتن ۾ لڳايا ويندا. ان معاملي ۾ عرب ملڪ به پنهنجا فائدا حاصل ڪري رهيا آهن. سعودي عرب کي آمريڪا کان جديد هٿيارن جا معاهدا ملي رهيا آهن ۽ ايران خلاف حڪمت عمليءَ ۾ آمريڪا جي حمايت به حاصل پئي ٿئي. ٽرمپ جو هي دورو آمريڪا جي انهيءَ اصلي چهري کي سامهون آڻي ٿو، جيڪو پنهنجي مفادن خاطر عرب ملڪن جي دولت تي نظر رکي ٿو. ظاهر ۾ امن ۽ واپار جي ڳالهه، پر اندروني طور سياسي ۽ معاشي دٻاءُ ختم ڪرڻ لاءِ هي حرڪتون ڪيون پيون وڃن. اسلامي دنيا کي هاڻي جاڳڻ جي ضرورت آهي. غزه ۽ ڪشمير سميت پوري مسلم دنيا جا معصوم ٻار صدائن سان آسمان ڏانهن نهاري رهيا آهن. دولت ۽ سيڙپڪاريون ضرور هجن، پر انسانيت کان اڳتي نه وڃن. اسلام جي تعليمات، عدل، همدردي ۽ ڀائيچاري تي ٻڌل آهن، پر يهودي ڪڏهن به مسلمانن جا دوست نٿا ٿي سگهن، ان ڪري اڄ مسلمانن خاص طور عرب رياست جي حڪمرانن کي پنهنجي دين جي پاسداري ڪرڻ جي حقيقي ضرورت آهي. موجوده عربستان جا سمورا حڪمران منافقن وارو ڪردار ادا ڪري رهيا آهن ۽ امت مسلمه جي جانين جا سوداگر بڻيل آهن، جنهنڪري پوري امت مسلمه سورن ۾ زندگي گذاري رهي آهي.