ناخن پالش خشڪ ڪندڙ مشين ڪينسر جو سبب قرار
هڪ نئين تحقيق ۾ خبردار ڪيو ويو آهي ته ناخن پالش خشڪ ڪرڻ لاءِ استعمال ڪئي ويندڙ مشين ڪينسر جو سبب بڻجي سگهي ٿي. يونيورسٽي آف ڪيليفورنيا سان ڊياگو جي تحقيق ڪندڙن کي هڪ تحقيق مان معلوم ٿيو آهي ته ناخن پالش ڊرائير جو استعمال انساني خلين کي ختم ٿيڻ ۽ خلين ۾ ڪينسر جو سبب بڻجندڙ تبديلين جو سبب ٿي سگهي ٿو. يونيورسٽي ۾ بايو انجنيئرنگ ۽ سيلولر ۽ ماليڪيور ميڊيسن جي پروفيسر لُڊمل ايلگزينڊروف جو چوڻ هو ته انهن اوزارن کي محفوظ ٻڌائي وڪرو ڪيو ويندو آهي ته ان ۾ ڪابه گهٻرائڻ جي ڳالهه نه آهي، پر ڪنهن به هينئر تائين انهن اوزارن ۽ ان کان متاثر ٿيندڙ انساني خلين جو مطالعو نه ڪيو آهي.
