هوائي فوج جو سي ون ٿرٽي جهاز ماڪڙ جي خاتمي لاءِ ڦوهاري وارو خاص جهاز آڻڻ لاءِ ترڪي پهچي ويو

ملڪ ۾ ماڪڙ جي خاتمي جي پاڪستاني حڪومت جي ڪوششن کي وڌيڪ هٿي وٺرائڻ ۾ ترڪي پنهنجون خدمتون پاڪستان حڪومت کي فراهم ڪيون آهن. ان ڏس ۾ پاڪستان حڪومت جي خاص هدايت تي پاڪ فوج جو سي ون ٿرٽي جهاز اسپري ڪرڻ وارو خاص پائيپر بريو جهاز آڻڻ لاءِ ترڪي جي شهر ادانا پهچي ويو. هي جهاز چئن ماڻهن تي ٻڌل عملي سميت اڄ پاڪستان پهچندو، جتي ان کي اسيمبل ڪرڻ کانپوءِ ملڪ جي متاثر علائقن ۾ موڪليو ويندو. هي جهاز ماڪڙ جي خاتمي لاءِ سڄي ملڪ خاص ڪري سنڌ ۽ پنجاب ۾ اسپري لاءِ استعمال ڪيو ويندو