ماڊل ڪورٽن 5 مهينن ۾ قتل ۽ منشيات جا 12 هزار کان مٿي ڪيس اڪلائي ڇڏيا

ماڊل ڪورٽن بابت هڪ رپورٽ ۾ چيو ويو آهي ته گذريل 5 مهينن ۾ ماڊل ڪورٽن 4897 قتل جا ڪيس ۽ 7687 منشيات جا ڪيس اڪلائي ڇڏيا آهن. رپورٽ مطابق انهن ڪيسن ۾ 55619 جون شاهديون به رڪارڊ ڪرايون ويون آهن. تفصيلن موجب ماڊل ڪورٽ اسلام آباد ويسٽ جي جج سهيل ناصر قتل جا 69 ڪيس اڪلايا. جڏهن ته قمبر شهدادڪوٽ جي جج غلام قادر تنيو 60 ڪيس اڪلايا آهن. جڏهن ته سپريم ڪورٽ جو جج آصف سعيد کوسا اڄ اهڙا وڌيڪ فيصلا ڪندي ججن کي ايوارڊ پڻ ڏيندو.