جسماني نظام کي ڪينسر ختم ڪرڻ جي لائق بڻائڻ واري ويڪسين جا ڪامياب تجربا

آمريڪا جي سائنسدانن ڪينسر جي علاج جو هڪ نئون طريقو ڳولي ورتو آهي. هن طريقي ۾ مريض کي هڪ خاص قسم جي انجيڪشن هنئي ويندي. جنهن ۾ موجود خاص قسم جي ڪيميڪل ذريعي انسان جي جسم جي مدافعتي نظام کي وڌائي ڪينسر جي بيماري سان مقابلي لائق بڻايو وڃي ٿو.هن قسم جي دوائن کي  انسينٽِوِ ويڪسينيشن جو نالو ڏنو ويو آهي. سائنسدانن پاران هن دوا جا تجربا به ڪيا ويا آهن. جنهن ۾ انڊولينٽ نان هاجڪنز لمفوما جي ڪينسر ۾ ڪافي سٺا نتيجا  نڪتا آهن. هن علاج سان ڪينسر جي مريضن ۾ 40 کان 80 سيڪڙو تائين ڪينسر جو خاتمو آيو آهي.