سائنسدانن اسٽيم سيل کي اک جي ٽشو ۾ تبديل ڪري ڇڏيو
آمريڪا ۾ سائنسدانن مريض جي اسٽيم خليي (خلياتِ ساق) ۽ ٿري ڊي بايو پرنٽنگ ٽيڪنالاجي جو استعمال ڪندي اک جو هڪ بافت (ٽشو) ٺاهيو آهي جيڪو بينائي ختم ٿيڻ جي مرضن بابت جديد فهم فراهم ڪندو. نيشنل آءِ انسٽيٽيوٽ (اين اِي آءِ) سان تعلق رکندڙ تحقيق ڪندڙن جي ٽيم خلين جو هڪ مرڪب پرنٽ ڪيو جيڪو پرده بصارت جي ٻاهرئين پرت (آئوٽر بلڊ ريٽينيا بيريئر) ٺاهي ٿو. هي اک جو اهو بافت هوندو آهي جيڪو پرده بصارت جي روشني جو احساس ڪرڻ وارن فوٽو ريسيپٽرز کي سهارو ڏيندو آهي. اها ٽيڪنڪ ايج ريليٽيڊ ميڪيولر ڊي جنريشن (اي ايم ڊي) جهڙين پرده بصارت جي بيمارين جي مطالعي لاءِ نظرياتي طور تي مريض مان ٺاهيل بافت لامحدود مقدار ۾ فراهم ڪري سگهي ٿي.
