5 جنوري تي ڪھڙا سنڌ جا اديب، اسڪالر، سياستدان، صحافي، اديب پيدا ٿيا. ڪھڙيون سنڌ جون مشھور شخصيتون اسان کان وڇڙي ابدي دنيا ۾ هليون ويون، پر انھن سڀني شخصيتن پنھنجو پنھنجو ادبي ۽ سياسي پورهيو ڪري پاڻ کي ۽ پنھنجي نالي کي ھميشه لاءِ زندھ رکيو آهي. انھن سڀني جا نالا لکڻ ويھندس ته سئو کان مٿي ادبي، سياسي، سماج سڌارڪ صحافين جا نالا لکندي صفحا ڀرجي ويندا، پر آئون ڪجھ شخصيتن جا نالا لکي ٻڌائڻ ضروري سمجهان ٿو، جن 5 جنوري جي ڏينھن تي سنڌ ڌرتي تي جنم ورتو. انھن ۾ اهي شخصيتون جن کان اسان جو نئون نسل يقينن اڻواقف هوندو، پر هو ڪيترن ئي ڪتابن ۾ محفوظ آهن، انهن ۾ شاعر هريڪانت جيٺواڻي، ليکڪ ونود لکياڻي، شاعر حسن درس، ڪالم نگار شبنم گل تعليمي ماهر ڪوڙو مل، ليکڪه آمنه ڀٽي، ڊاڪٽر فھميده حسن، اسڪالر گل حسن ڪلمتي، صحافي ميوو مجروح مينگهواڙ، شاگرد اڳواڻ اشرف کھاوڙ، پاڪستان جو پھريون وزيراعظم ذوالفقار علي ڀٽو، سھڻي رسالي جو ايڊيٽر طارق اشرف کان علاوه اسان کان جدا ٿي ويندڙ چند نالن ۾ شاعر مرزا غلام حيدر بيگ، مير علي احمد خان ٽالپر، سوامي ماڌو داس، قمر شھباز، پر انهن سڀني سياستدانن، اديبن ليکڪن، صحافين مان جنھن شخص جي ڪردار مونکي گهڻو متاثر ڪيو، انهن ۾ ماهوار سھڻي رسالي جو ايڊيٽر، سچ لکڻ سبب زندگيءَ ۾ قيد جون صعوبتون ڪاٽيندڙ، پاڻ کي ھر ايندڙ نسل جي دل ۾ زنده رکندڙ شخصيت جو نالو آهي طارق اشرف.
