ٽنڊو غلام حيدر جي ھڪ ڳوٺ محمد حسن ڪالرو واسين کي پنهنجي زندگين جي بچاءُ قانوني انساني ۽ اسلامي طور طريقن سان ڳوٺاڻي ماحول جا بنيادي حق ۽ سھولتن جي طاقتورن پاران بندش ۽ رستا روڪ ڪرڻ زمينن تي ڪوڙا ڪاغذ ٺهرائي ھٿيارن جي طاقتور زور تي قبضا ڪرڻ، ڳوٺاڻن کي گس نه ڏيڻ وارين تڪليفن ۽ ٻاھريان ويڙھاڪو جوان وٺي اچي ڊپ وارو عالم برپا ڪرڻ سبب نيٺ ڳوٺاڻن جڏھن ڏٺو ته ڪو والي وارث نٿو ٿئي، جن جن کي ووٽ جا نذرانا پيش ڪيا ويا سي خبر گيري لھڻ پسند نٿا ڪن تن جو ڏک ٿيو اٿن جن حال احوال نه ورتا ته پوءِ آخرڪار مجبوري وارين حالتن سبب محمد حسن ڪالرو ڳوٺ جي نيڪ مردن ۽ عورتن گڏجي جمهوري انداز ۾ امن ڀريو احتجاج ڪيو، جيئن سندن ڳوٺ جي بدلجندڙ قبضا گيري ۽ ڏاڍ مڙسي واري صورتحال تي حاڪمن جو ڌيان ڇڪائجي. پنهنجن انساني حقن واري ھن جائز مطالبي سبب ٽنڊو محمد خان ضلعي کان وٺي ڪيترن پسگردائي وارن ضلعن جي عوام توڙي انتظاميا جي اک کلي يا نه پر البته ھن “جمھوريت” جي نالي تي ھلندڙ دور ۾ جمهوري آواز اٿارڻ سبب ڳوٺاڻن جي داد رسي ۽ دل جوئي ڪرڻ بجاءِ خبرون مليون آھن ته پوليس جو ڏھڪاءُ حرڪت ۾ آيو آھي جن مظلومن کي ويتر وردي واري ظلم جي گهيري ۾ آڻي مٿانهن ڪيس داخل ڪرڻ وارو جابرانا عمل ڪري جھڙوڪر ظالمن کي ڳوٺاڻن مٿان ڪيس داخل ڪرڻ جي “خاص سلامي” ڏني آھي!؟ سيد مراد علي شاھ وزير اعليٰ سنڌ جي حاڪميت ۾ ھن قسم جو ظلم اھو به سيد نويد قمر جي تڪ واسي پ پ ووٽرن سان ٿئي ته پوءِ ڇا، پڪ سمجهون ته شھيد ڀٽن جي پارٽي “پيپلزپارٽي کي ڪي پنهنجا سخت نقصان رسائڻ ۾ پيش پيش آھن…!”
