تازو دهشتگرديءَ بابت گڏيل قومن جي نئين رپورٽ ۾ انڪشاف ڪيو ويو آهي ته پاڪستان اندر دهشتگردي جو خطرو وڌي ويو آهي. رپورٽ موجب پاڪستان کي افغانستان ۾ پناهه وٺندڙ فتنا الخوارج (ٽي ٽي پي) ۽ ٻين ويڙهاڪن کان خطرو آهي، جڏهن ته فتنا الخوارج (ٽي ٽي پي) پاڪستان ۾ پنهنجا حملا به تيز ڪري ڇڏيا آهن. گڏيل قومن جي رپورٽ ۾ طالبان، القائده سان فتنا الخوارج (ٽي ٽي پي) جو سهڪار وڌڻ جو خدشو به ظاهر ڪيو ويو آهي. آءِ ايس پي آر موجب هندستان ۽ افغانستان پاڪستان ۾ دهشتگردي ڪري رهيا آهن، جنهن جون پڪيون شاهديون موجود آهن ته ٽي ٽي پي پاڪستان ۾ دهشتگردي لاءِ افغان ڌرتي استعمال ڪري رهي آهي، پاڪستان دهشتگرديءَ جي جواب ۾ افغانستان ۾ دهشتگردن جي محفوظ پناهگاهن خلاف ڪارروائي ڪئي دهشتگردن ۽ سندن مددگارن کي چٿڻ تائين هو هر حد تائين ويندا. پاڪستان پنهنجا فوجي اڏا نه ڪنهن کي ڏنا آهن نه ئي ڏيندو، فوج جي پهرين ترجيح ملڪ ۾ امن قائم ڪرڻ آهي. ڊي جي آءِ ايس پي آر چيو ته بشام ۾ چيني انجنيئرن تي آپگهاتي حملي جون ڪڙيون به سرحد پار سان ملن ٿيون، ڊي جي آءِ ايس پي آر چيو ته ڀارت پاڪستان ۾ دهشتگردي ڪري رهيو آهي، ڀارتي ايجنسيون پاڪستان ۾ ٻن شهرين کي قتل ڪيو. پاڪستان دهشتگردي جو نيٽورڪ ختم ڪرڻ ۾ ڪا ڪسر نه ڇڏيندو، ڀارتي فوج ايل او سي تي معصوم شهرين کي نشانو بڻائي ٿي، ان جو منهن ٽوڙ جواب ڏنو ويندو آهي. جڏهن ته هيومن رائيٽس ڪميشن آف پاڪستان (ايڇ آر سي پي) اينٽي ٽيررازم ايڪٽ 1997 ۾ تجويز ڪيل ترميم جي مخالفت ڪندي ملڪ ۾ انساني حقن ۽ جمهوريت کي درپيش خطرن تي فوري ڌيان ڏيڻ جو مطالبو ڪيو آهي.
