دنيا جي سڀ کان وڏي ٿري ڊي پرنٽر ٻيڙي ڇاپي ڇڏي

آمريڪا جي يونيورسٽي آف مين ۾ لڳل دنيا جي سڀ کان وڏي ٿري ڊي پرنٽر هڪ 25 فوٽن جي ٻيڙي تيار ڪئي آهي جنهن جو وزن 5000 پائونڊ آهي، پر اها اصل ٻيڙي آهي جيڪا سمنڊ ۾ به هلائي سگهجي ٿي. هن ٻيڙي کي 3D ڊريگو جو نالو ڏنو ويو آهي. هن ٻيڙي کي گينز بُڪ آف ورلڊ رڪارڊز جي ٽيم جي موجودگي ۾ ڇاپيو ويو جنهن هن پروجيڪٽ کي ٽي ورلڊ رڪارڊ ڏنا آهن. هڪ ته پرنٽر دنيا جو سڀ کان وڏو پرنٽر آهي، ٻيو ته ٻيڙي پرنٽ ڪئي وئي آهي، ٽيون ان ٻيڙي جي سائيز وڏي آهي. هن پروجيڪٽ جي خاص ڳالهه ته اها ٿري ڊي پرنٽر آهي، جيڪو 100 فوٽ ڊگهي 25 فوٽ ويڪري 10 فوٽ اوچائي واريون شيون پرنٽ ڪري سگهي ٿو.