دنيا ۾ به پراڪسي جنگين ۾ مخالفن کي اڻ سڌي طرح شڪست ڏني ويندي آهي، پر بدقسمتيءَ سان اهي سڀ جون سڀ پراڪسي جنگيون مسلم ملڪن ۾ اوج تي آهن، جيڪي به اتحادي ملڪ هوندا آهن، اهي ان ڳالھ جي پڪ ڪندا آهن ته اهي ڌر هوندي به ڌر ناهن. مثال: جيئن فلسطين ۾ حوثي، انصارالله، حماس ۽ حزب الله ۽ پاڪستان ۽ افغانستان ۾ طالباني برانڊ جا سڀ گروھ جيڪي مسلم هوندي به مسلم فوجن سان پيا ٿا وڙهن، پر انهن پراڪسي جنگين ۾ مسلم دنيا جا سني ۽ شيعه فرقيوايت وارا ملڪ سعودي ۽ ايران جي مدد سان ائين ئي وڙهندا رهندا. تنهن هوندي به سعودي عرب جو ولي عهد شهزادو چاهي ٿو ته ايران وچ اوڀر کي خوشحالي ڏانهن وٺي هلي ۽ ان ڪري سعودي عرب پنهنجي علائقائي ۽ عالمي ڀائيوارن سان گڏ ڪم ڪري رهيو آهي. سعودي ۽ ايران جي اعليٰ عملدارن سان لاڳاپن کي بحال ڪرڻ جي ڪوشش ۾ عراق ۾ ڳجهي ڳالھ ٻولھ ڪئي هئي. اها به حقيقت آهي ته سعودي عرب ۽ ايران يمن 2019 ۾ يمني ۽ سعودي وچ ۾ لڳل گهرو ويڙھ ۾ فرقن جي بنياد تي انهن جي حمايت ڪري رهيا هئا. يمن ۾ اڪثر ڪري سني عرب رياستن جو هڪ حصو سعودي عرب جي اڳواڻي ۽ اتحاد ۾ 2015 کان ايران سان لاڳاپيل باغي حوثي تحريڪ جي خلاف جنگ ۾ سعودي حڪومت نواز قوتن جي مدد ڪري رهيو هو، پر ايران انڪار ڪيو ته هن حوثين ڏانهن هٿيار اسمگل ناهن ڪيا، پر حوثين سعودي شهرن ۽ انهن تيل جي بنيادي ڍانچن تي ميزائل ۽ ڊرون حملا ڪيا هئا. سعودي عرب ايران تي لبنان ۽ عراق ۾ مداخلت جو الزام پڻ لڳايو هو، جتي ايراني حمايت يافته شيعه گروھ ملوث هئا جن نار ۾ ڪارگو ۽ آئل ٽينڪرن تي حملو ڪيو هو ۽ 2019 ۾ سعودي تيل جي تنصيبن تي ميزائيل ۽ ڊرون حملو ڪري 2015 جي معاهدي جي ڀڃڪڙي ڪئي هئي، جنهن ايران جي ايٽمي پروگرام کي محدود ڪيو هو، پر آمريڪي صدر ڊونالڊ ٽرمپ پابندين کي ختم ڪري ايران تي ٽي سال اڳ لڳل اقتصادي پابنديون بحال ڪرڻ جو فيصلو ڪيو هو.
