آمريڪي پرڏيهي سيڪريٽري مائيڪ پومپيو وزيراعظم عمران خان سان ملڻ پاڪستان ايندو
آمريڪا پاران پاڪستان جي نئين حڪومت سان گڏ ڪم ڪرڻ تي راضپو ڏيکارڻ بعد اعلان ڪيو ويو آهي ته آمريڪي پرڏيهي سيڪريٽري مائيڪ پومپيو ايندڙ مهيني وزيراعظم عمران خان سان ملڻ لاءِ پاڪستان ايندو. خبرن موجب هو پاڪستان جي نئين حڪومت سان ٻن اهم معاملن تي ڳالهائيندو هڪ ته ٻنهي ملڪن وچ ۾ لاڳاپن کي ڪيئن بهتر بڻائي سگهجي ٿو ۽ افغانستان ۾ امن لاءِ پاڪستاني حمايت حاصل ڪرڻي آهي. خبرن مطابق مائيڪ پومپيو سان گڏ آمريڪا جو اتر ايشيا لاءِ مقرر ڪيل سفير ايلس ويلز به ايندو. ياد رهي ته هلندڙ هفتي آمريڪا پاران زور ڏنو ويو هو ته پاڪستان افغانستان جنگ کي ختم ڪرڻ لاءِ آمريڪا جو ساٿ ڏئي.
