هڪ اندازي مطابق 23 سيڪڙو آڪسيجن جو بهترين اخراج رڳو زراعت، ٻيلن ۽ زمين جي سٺي استعمال مان ٿئي ٿو، جنهن سان ماحول ۾ مثبت تبديلي ممڪن ٿئي ٿي. بين الاقوامي موسمياتي تبديليءَ جي ماهرن اهو معلوم ڪيو آهي ته دنيا جي ٻيلن جي ايراضيءَ کي وڌائڻ سان ۽ وڻن جي پوکائي ڪرڻ سان گلوبل وارمنگ کي 1.5 درجا سينس تائين گهٽ ڪري سگهجي ٿو. گلوبل وارمنگ کي جيتوڻيڪ هيل تائين گهڻي توجھ نه ملي سگهي آهي، جيڪو زراعت جي واڌاري لاءِ وڏو ڪردار ادا ڪري سگهي ٿو. ماهرن جي گڏيل راءِ موجب دنيا جي اڌ کان وڌيڪ “جي ڊي پي” 44 ٽرلين ڊالر فطرت جي نقصان جي ڪري مسلسل خطري هيٺ آهي. عالمي سطح تي خوراڪ (زرعي پيداوار) تقريبن 40 سيڪڙو زميني سطحي پاڻيءَ ۽ جَرَ ۾ موجود پاڻيءَ تي منحصر آهي ۽ باقي 70 سيڪڙو زراعت تازي (دريائي) پاڻي جو استعمال ڪري ٿي، جنهن ۾ زراعت سڀني ٻيلن جي 75 سيڪڙو پيداوار ۽ آڪسيجن جي اخراج جي لاءِ ذميوار به آهي. سائنسدانن جي هڪ ٽيم پاران ڪيل تحقيق مان اهو نتيجو ڪڍيو ويو آهي ته دنيا جي 30 سيڪڙو زمين کي اسٽريٽجڪ طور تي محفوظ رکڻ سان دنيا جي 62 سيڪڙو کان وڌيڪ خطرناڪ ڪاربان ۽ 68 سيڪڙو مٺي پاڻيءَ جي ذخيرن جو بچاءُ ڪري سگهجي ٿو. جڏهن ته ان ڳالھ کي يقيني بڻايو ويندو ته 70 سيڪڙو کان وڌيڪ زميني ٻيلا ۽ ٻوٽا جن کي ختم ٿيڻ جو خطرو آهي، سي محفوظ ڪري سگهجن ٿا ۽ آڪسيجن کي بحال ڪري سگهجي ٿو.
