پ پ کي 41 سالن کانپوءِ تلوار جو نشان ملي ويو

پاڪستان پيپلز پارٽي کي 41 سالن جي قانوني ويڙهه کانپوءِ تلوار جو نشان واپس ملي ويو، پر في الحال پ پ ايندڙ اليڪشن ۾ تير جي نشان سان وڙهندي ته جيئن اهو نشان ڪنهن ٻي پارٽي کي نه ملي وڃي. ياد رهي ته 41 سال اڳ پ پ جو نشان تلوار ئي هو پر اهو ضياءُ الحق جي دور ۾ اليڪشن جي نشانن مان هٽايو ويو هو، پ پ کي تلوار ڏيڻ جو هي فيصلو اليڪشن ڪميشن جي فل بينچ پاران ڪوٺايل اعلان ۾ ڪيو ويو آهي. جنهن جي سربراهي چيف اليڪشن ڪمشنر سردار محمد رضا ڪئي. تلوار جي نشان لاءِ ڪل چئن پارٽين درخواست ڏني هئي. پ پ کان علاوه پ پ ورڪرز پارٽي جنهن جو اڳواڻ صفدر عباسي آهي، پ پ شهيد ڀٽو جنهن جي اڳواڻ غنويٰ ڀٽو ۽ چوٿين پيپلز موومينٽ آف پاڪستان جنهن جو اڳواڻ ڊاڪٽر تنوير زمان آهي. ان موقعي تي پ پ طرفان ڳالهائيندي نير بخاري چيو ته ذوالفقار علي ڀٽو پڻ تلوار جي نشان سان چونڊ ۾ حصو وٺي چڪو آهي. هي اول ۾ پ پ جو نشان جنهن کي لسٽ تان هٽايو ويو آهي ۽ پ پ ورڪرز جو هن سان ڪوبه تعلق نه آهي، هي نشان ته پ پ جو حق آهي. ان موقعي تي صفدر عباسي چيو ته پ پ 88، 90، 93، 97 جون چونڊون تير جي نشان سان وڙهندي رهي آهي. هن وقت عوام جي اندر مونجهارو هلي رهيو آهي ڇاڪاڻ ته پ پ جون ٻه پارٽيون آهن هڪ پ پ جنهن جو چيئرپرسن بلاول آهي ۽ ٻي پ پ پارليامينٽيرين جنهن جو اڳواڻ آصف زرداري آهي. هي ٻئي پارٽيون گڏجي ميٽنگون ڪن ٿيون، بلاول ۽ آصف انهن ميٽنگن ۾ شريڪ رهن ٿا. جنهن بعد پيپلز موومينٽ جي ترجمان چيو ته هنن ٻنهي پارٽين ۾ جهيڙو هلي رهيو آهي، ان ڪري اهو نشان اسان کي ڏنو وڃي. جنهن بعد اليڪشن ڪميشن ان معاملي تي پنهنجو فيصلو ٻڌايو.

0 0 vote
Article Rating
Subscribe
Notify of
guest
0 Comments
Inline Feedbacks
View all comments