وزيراعظم سول ادارن جي خرچن ۾ وڏي ڪٽوتي آڻي ڇڏي
وزيراعظم جي صدارت ۾ ايندڙ سال جي بجيٽ جي تياري بابت هڪ اجلاس ٿيو جنهن ۾ خزاني وارو صلاحڪار، عبدالحفيظ شيخ، تجارت وارو صلاحڪار عبدالرزاق دائود، گورنر اسٽيٽ بينڪ ڊاڪٽر رضا باقر ۽ ٻيا شريڪ ٿيا. اجلاس ۾ مالي سال 20-2019 جي بجيٽ جون تجويزون غور هيٺ آيون. خبرن مطابق اجلاس ۾ وزيراعظم بجيٽ ۾ سول خرچن ۾ وڏي ڪٽوتي جو حڪم ڏيئي ڇڏيو. وزيراعظم هدايت ڪندي چيو آهي ته سڀئي سول ادارا پنهنجا خرچ گهٽائي ڇڏين جيڪڏهن فوج پنهنجا خرچ گهٽائي سگهي ٿي ته سول ادارا به ائين ڪري سگهن ٿا.
