ڏکڻ پنجاب محاذ تحريڪ جو پي ٽي آءِ ۾ شامل ٿيڻ جو اعلان
مسلم ليگ سان پنهنجون راهون جدا ڪندڙ اسيمبلي ميمبرن تحريڪ انصاف ۾ شامل ٿيڻ جو فيصلو ڪري ڇڏيو. هاڻي هو آزاد نه پر پي ٽي آءِ ميمبرن جي طور چونڊن ۾ حصو وٺندا. خبرن موجب پي ٽي آءِ ۽ ڏکڻ پنجاب محاذ وچ ۾ ڳالهيون ڪامياب ٿي ويون آهن. جنهن بعد ڏکڻ پنجاب محاذ پي ٽي آءِ ۾ شامل ٿيڻ جو فيصلو ڪيو آهي. جنهن جو اعلان اڄ ڪيو ويندو. تحريڪ انصاف پاران فواد چوڌري به هن خبر جي تصديق ڪئي آهي. اڄ پي ٽي آءِ ڏکڻ محاذ سان گڏيل پريس ڪانفرنس ڪندي جنهن ۾ انهن اميدوارن جو پي ٽي آءِ ۾ داخل ٿيڻ جي فيصلي جو اعلان ڪيو ويندو.
